Valsmenn til Eyja

Valsmenn þurfa að fara til Vestmannaeyja í 16-liða úrslitum Borgunarbikarsins.  Magnús Gylfason, þjálfari Vals snýr aftur til Eyja en hann var þjálfari ÍBV fyrir tveimur árum síðan. Á síðasta tímabili festust Valsmenn í Eyjum og ættu leikmennirnir því að vera öllum hnútum kunnugir þar.

KR-ingar sem slógu út FH í 32-liða úrslitum halda áfram á heimavelli en í 16-liða úrslitum mæta Fjölnismenn í Frostaskjólið. KR hefur unnið bikarinn þrisvar á síðustu sex árum, þar á meðal unnu þeir Fjölni í úrslitum árið 2008.

Ólafur Þórðason og félagar í Víking Reykjavík mæta fyrrum félögum Ólafs í Fylki í Víkinni. Óli var þjálfari Fylkis á árunum 2008-2011 og ætti því að kannast við marga af leikmönnum Árbæinga.

Einar Bjarni Ómarsson, Einar Már Þórisson og félagar í Fram mæta KV í Vesturbænum. Einar Már og Einar Bjarni gengu til liðs við Fram frá KV fyrir tímabilið.

Hamar fékk krefjandi verkefni en strákarnir hans Ingó mæta Keflavík á útivelli. Alls munar 40. sætum á liðunum í deildarkeppninni.

Drátturinn í heild sinni:

Stjarnan - Þróttur

Keflavík - Hamar

KR - Fjölnir

KV - Fram

Víkingur R - Fylkir

BÍ/Bolungarvík - ÍR

Breiðablik - Þór

ÍBV - Valur

Tweets by @VisirSport