Robin Williams var með heilabilunarsjúkdóm

Grínarinn Robin Williams þjáðist af heilabilunarsjúkdómnum Lewy Body og er því haldið fram að sjúkdómurinn hafi geta ýtt undir það að Robin framdi sjálfsmorð samkvæmt heimildum fréttasíðunnar TMZ.

Sjúkdómurinn er talinn næst algengasta orsök heilabilunar á eftir Alzheimer og er sjúkdómurinn kenndur við próteinútfellingar í taugafrumum í heila sem kallaður eru Lewy Body. Þeir sem þjást af sjúkdómnum fá oftar en ekki ofskynjanir.

Lewy Body er oft tengdur Parkinson-sjúkdómnum sem Robin var haldinn. Eiginkona grínarans sagði yfirvöldum stuttu eftir andlát hans að hann hefði kvartað yfir lyfjunum sem hann tók við sjúkdómnum og hvernig áhrif þau höfðu á líðan hans.

Heimildarmenn TMZ, sem tengdir eru fjölskyldu grínarans, telja Lewy Body hafa spilað lykilhlutverk í ákvörðun Robins um að binda enda á líf sitt en læknar eru ekki sammála því.