Dean Martin til Breiðabliks

Dean Martin hefur verið ráðinn þjálfari 2. flokks karla hjá Breiðabliki og mun hann gegna starfinu með Páli Einarssyni.

Páll tók við þjálfun liðsins af Arnari Bill Gunnarssyni þegar sá síðarnefndi hætti hjá félaginu til að gerast fræðslustjóri KSÍ.

Dean Martin er 42 ára gamall og var spilandi aðstoðarþjálfari hjá ÍBV á síðustu leiktíð. Hann kom við sögu í alls sextán leikjum með liðinu.

Fram kemur í frétt á heimasíðu Breiðabliks að fleiri þjálfarar verði kynntir í þjálfarateymi 2. flokks karla á næstu dögum.