Welbeck afgreiddi Sviss

Hinn nýi framherji Arsenal, Danny Welbeck, var hetja Englands í Sviss í kvöld.

Hann skoraði bæði mörk Englands í 0-2 sigri í undankeppni EM. Þetta var leikur í fyrstu umferð. Fyrra markið kom eftir frábært uppspil þar sem hann þurfti bara að ýta boltanum í netið.

Seinna kom í uppbótartíma er hann komst einn gegn markverði. Flott byrjun hjá mikið breyttu ensku liði.

Spánverjar tefldu frá hálfgerðu varaliði gegn Makedóníu en það kom ekki að sök enda nóg til af flottum fótboltamönnum á Spáni.

Zlatan Ibrahimovic spilaði sinn 100. landsleik í kvöld en fékk aðeins jafntefli í leiknum gegn Austurríki.

Úrslit:

Sviss-England  0-2

0-1 Danny Welbeck (58.), 0-2 Danny Welbeck (90.+4).

Spánn-Makedónía  5-1

1-0 Sergio Ramos, víti (15.), 2-0 Paco Alcacer (17.),  2-1 Ibrahimi (28.), 3-1 Sergio Busquets (45.+3), 4-1 David Silva (50.), 5-1 Pedro (90.+1).

Austurríki-Svíþjóð  1-1

David Alaba - Erkan Zengin.

Lúxemborg-Hvíta Rússland  1-1

Úkraína-Slóvakía  0-1

Eistland-Slóvenía  1-0

San Marínó-Litháen  0-2

Svartfjallaland-Moldavía  2-0