Innlent

Engin Hraðbraut

Stefán Ó. Jónsson skrifar
Ólafur Haukur Johnson, skólastjóri Hraðbrautar
Ólafur Haukur Johnson, skólastjóri Hraðbrautar Vísir/Stefán
Menntaskólinn Hraðbraut mun ekki taka til starfa á fimmtudaginn næstkomandi eins og stefnt var að. Þetta staðfestir Ólafur Johnson, skólastjóri og eigandi Hraðbrautar, í samtali við fréttastofu. Of fáir nemendur greiddu skólagjöld til þess að reksturs skólans stæði undir sér. RÚV greindi frá því í morgun að óvissa væri um hvort að skólinn tæki aftur til starfa.

Ólafur segir að of fáir nemendur hafi skráð sig í skólann til þess að hægt væri að starfrækja hann. Þrátt fyrir að tekist hafi að smala saman í eina bekkjardeild hafi ekki nógu margir greitt skólagjöld til að rekstur skólans stæði undir sér.

Rætt verður nánar við Ólaf um tíðindin í hádegisfréttatíma Bylgjunnar klukkan 12.

Menntaskólinn Hraðbraut hætti störfum vorið 2012. Þrátt fyrir að menntamálaráðuneytið hafi veitt skólanum rekstraleyfi var þjónustusamningur stjórnvalda við skólann ekki endurnýjaður og hefur því ekkert fjármagn runnið frá ríkinu til reksturs skólans.

Í vor kom fram að skólinn myndi aftur taka til starfa í haust og að reka ætti skólann eingöngu fyrir skólagjöld. Þau eru 890 þúsund krónur á ári. Við það tilefni sagði Ólafur Haukur Johnson að tæplega 30 hefðu þegar sótt um skólavist.

Umsóknarfrestur í aðra framhaldsskóla rann út þann 10. júní síðastliðinn.

Þekkirðu nemendur sem hugðust sækja Hraðbraut í vetur? Sendu okkur fréttaskot á ritstjorn@visir.is. Fullum trúnaði er heitið.


Tengdar fréttir

Kennsla í Hraðbraut hefst í haust

Í tilkynningu frá skólastjóra segir að menntamálaráðuneytið hafi veitt skólanum skriflega viðurkenningu til kennslu til stúdentsprófs.

Ætla ekki að endurnýja samstarfið við Hraðbraut

Samstarfssamningur ríkisins við menntaskólann Hraðbaut verður ekki framlengdur en skólinn hefur sætt gagnrýni fyrir sérkennilega meðferð opinbers fjár sem rann til skólans. Þannig gerði ríkisendurskoðun úttekt á skólanum en niðurstaða hennar var áfellisdómur fyrir stjórnendur skólans.




Fleiri fréttir

Sjá meira


×