55 óku of hratt á einni klukkustund

Brot 55 ökumanna voru mynduð á Reykjanesbraut í Garðabæ á föstudag. Fylgst var með ökutækjum sem var ekið Reykjanesbraut í norðurátt að Vífilsvegi.

Á þeirri klukkustund sem mælt var fóru 1029 ökutæki þessa akstursleið. Hlutfallslega fáir ökumenn óku of hratt eða fimm prósent. Meðalhraði hinna brotlegu var 92 kílómetrar á klukkustund en hámarkshraði er 80 á þessum stað. Sá sem hraðast ók mældist á 106 kílómetra hraða.

Vöktun lögreglunnar á þessum stað er liður í umferðareftirliti hennar á höfuðborgarsvæðinu.