Hanna Birna: „Kosningarnar 2013 fólu í sér von um bjarta framtíð“

Hanna Birna Kristjánsdóttir, innanríkisráðherra, sagði í ræðu sinni í eldhúsdagsumræðum að sá árangur sem Íslendingar væru að sjá núna á liðnu ári væri ekki einungis núverandi ríkisstjórn að þakka. Hún sagði að sú ríkisstjórn sem sat á síðasta kjörtímabili, ríkisstjórn Jóhönnu Sigurðardóttur, hafi einnig lagt mikið á sig. 

Hanna Birna sagði í ræðu sinni að Alþingiskosningarnar, sem haldnar voru 27. apríl 2013, hafi falið í sér von um bjarta framtíð. Hún sagði árangurinn vera að birtast um allt, lægri verðbólga, kaupmáttur sé að aukast og hagvöxtur einnig. „Við sjáum sprotana birtast allt í kringum okkur.“

Hún telur að fyrstu hallalausu fjárlögin í sex ár sé einn liður í því að uppbygging sé að hefjast á ný og nýir tímar framundan í íslensku þjóðlífi. Ein aðal forsenda þess að Ísland geti hafið þá sókn sem íslensk þjóð eigi skilið að fara í sé að bregðast við bráðum skuldavanda heimilanna sem gagnast öllum landsmönnum. 

Hanna Birna telur verkefnin vera mörg og sagði landsmönnum að þingheimur allur vinni að því á hverjum einasta degi hörðum höndum að því að bæta hag almennings í landinu og tryggja þannig að tækfæri landsmanna allra verði nýtt til fullnustu. 

Tweets about '#eldhusdagur'