„Þú ert komin með fjögur glæsi­leg Já!“

Annar undanúrslitaþátturinn af Ísland Got Talent verður sýndur á Stöð 2 á sunnudagskvöldið. Sjö atriði af ýmsum toga keppa um atkvæði þjóðarinnar til að eiga möguleika á að komast í úrslitaþáttinn og vinna tíu milljónir króna. 

Laufey Lín spilar á píanó og syngur í undanúrslitunum. Við kynntumst henni aðeins betur.

Fullt nafn: Laufey Lín Jónsdóttir

Aldur: 14 ára

Símanúmer til að kjósa hana í Ísland Got Talent: 900-9504

Af hverju á fólk að kjósa þig?

Til að hjálpa draumi mínum að rætast.

Hver er draumurinn?

Að verða söngkona og tónlistarmaður og ferðast um heiminn.

Uppáhaldslistamaður/menn?

Erfitt að velja, en Ella Fitzgerald, Alicia Keys, Beyonce og Jacqueline Du Pre standa upp úr þessa dagana.

Hvaða minning stendur upp úr úr Ísland Got Talent?

Þegar Þórunn Antonía sagði „Þú ert komin með fjögur glæsileg Já!“

Jón Jónsson eða Þórunn Antonía?

Það er ómögulegt að velja, þau eru bæði í miklu uppáhaldi hjá mér!