Óeirðir í Ferguson eftir ákvörðun kviðdóms

Átök hafa geisað í bandaríska bænum Ferguson í Missouri, eftir að kviðdómur ákvað í gærkvöldi að lögreglumaðurinn sem skaut óvopnaða unglinginn Michael Brown til bana fyrr á árinu, yrði ekki ákærður í málinu.

Fjölskylda drengsins segist afar óánægð með úrskurðinn og um leið og hann var gerður opinber kom til mikilla mótmæla sem staðið hafa í alla nótt. Skotið hefur verið af byssum og eldar hafa logað í bílum og byggingum og hefur lögreglan beitt táragasi og reyksprengjum.

Mikil mótmæli voru í Ferguson í kjölfar drápsins á Brown og hefur ástandið verið afar eldfimt síðan. Óttast er að ástandið eigi enn eftir að versna en friðsöm mótmæli fóru fram í flestum stærstu borgum landsins í nótt.

Post by Hilary Carr.

Post by Writer's Block Survivor.