Selja draumaheimilið á fimm milljarða

Stjörnuhjónin Will Smith og Jada Pinkett-Smith eru búin að setja draumaheimili sitt í Kaliforníu á sölu en þau hafa einungis búið þar í tvö ár.

Will og Jada, sem eiga soninn Jaden, fimmtán ára, og dótturina Willow, tólf ára, saman vilja 42 milljónir dollara fyrir húsið, rétt rúma fimm milljarða króna.

Smith-fjölskyldan flutti inn í húsið árið 2011 en það tók sjö ár að byggja það. Húsinu fylgir hugleiðingarskáli, upptökustúdíó, tennis- og körfuboltavöllur. Þá eru hjónin nýbúin að selja sumarhús sitt á Havaí og því halda slúðurmiðlar vestan hafs því fram að þau séu að skilja. Hvorki Will né Jada hafa viljað tjá sig um það.

Dragðu Tarotspil dagsins hér.