Vildi ekki segja til nafns

Nokkuð var um stympingar í miðborginni í nótt og töluverður erill hjá lögreglu vegna hávaða og ölvunar, líkt og venjulega um helgar.

Í gærkvöldi var ölvaður maður handtekinn á veitingastað í Kópavogi en sá hafði verið til vandræða, eins og segir í tilkynningu lögreglu. Hann neitaði að segja til nafns og var ekki með skilríki á sér. Hann var vistaður í fangaklefa þar til ástand hans lagast.

Um klukkan tvö í nótt var tilkynnt um umferðaróhapp í Breiðholti. Ökumaðurinn var handtekinn grunaður um ölvun við akstur. Að lokinni sýnatöku var hann vistaður í fangageymslu. Engin meiðsl urðu á fólki.

Um klukkan hálf fjögur nótt var maður handtekinn eftir slagsmál við veitingahús í Hafnarfirði.

Fjórir voru teknir grunaður um akstur undir áhrifum áfengis - eða fíkniefna.