Beðin að deila rúmi með eiganda módelskrifstofu

Arna Bára Karlsdóttir,  25 ára, hárgreiðslukona  sem sigraði  nóvemberkeppni  á vegum Playboy sem kallast  Miss Social  í fyrra vetur hafnaði verkefni fyrir Playboy þegar hún áttaði sig á kröfunum sem fylgdu verkefninu. Hún segir okkur einnig frá húðflúri sem hún fékk sér á lífbeinið í gær.

Ógeðfelldar kvaðir fylgdu verkefninu

„Ég á akkúrat að vera að koma heim í dag frá tökum í New York og öðrum borgum. En ég fór ekki út. Það var búið að kaupa fyrir mig 1300 bandaríkjadollara „first class" flug út. En ein takan átti vera fyrir Playboy í Mexíkó. Eigandi módelstofunnar sem sá um flugmiðann minn gaf í skyn að ég ætti að sýna þakklæti þegar ég kæmi út með því að deila með honum rúmi. Þannig að ég ákvað að fara ekki út á þeirra vegum," útskýrir Arna.



„Ég vil ekki komast áfram sem módel með því að ríða mig á toppinn. Ég vil komast þangað vegna þess að ég er flott módel og af því að ég hef unnið hart að því," bætir hún við.

Lét setja tvo demanta á lífbeinið

„Ég lét setja tvo fjólubláa demanta á lífbeinið. Steinarnir tveir standa saman í pari því það er það sem ég vil í lífinu að vera partur af pari," útskýrir Arna þegar við spyrjum hana um húðflúrið sem skoða má á myndinni hér að ofan.

Ætlar þú að vinna áfram við svona myndatökur þar sem þú ert léttklædd? „Já. Ég fer eina helgi til Amsterdam í september í myndatöku með fimm „playmates" en það er smá leynd á bak við það verkefni ennþá."

Finnst fátt þægilegra en að ganga um nakin.



Arna Bára er á Facebook