Mikil átök í The Biggest Loser Ísland

"Ég er ekki að gefa neitt eftir og við erum ekkert að strjúka þeim." segir Evert Víglundsson annar þjálfarana í íslensku útgáfunni af The Biggest Loser þáttunum, sem hefja göngu sína í janúar á Skjá Einum. Evert mun ásamt Gurrýju Torfadóttur sjá um að þjálfa keppendurnar en einnig hönnuðu þau bæði æfingar- og mataráætlun.

Þátttakendurnir æfa æfingar allt frá léttri göngu til kraftlyftinga. "Þetta snýst svo mikið um að breyta mataræðinu og breyta rútínunni, gera þetta að lífstíl, það er endanlega markmiðið," bætir Evert við.

Þættirnir eru teknir upp víðsvegar á Reykjanesinu og taka sex konur og sex karlar þátt. "Við vonum að þættirnir verði vitundarvakning fyrir þjóðina. Ísland er með feitari þjóðum í heiminum og er það óásættanlegt. Við viljum að fólk snúi við blaðinu og fara að tileinka sér heilbrigðari lífstíl," segir Gunnhildur Gunnarsdóttir starfsmaður markaðsdeildar Skjás Eins.