Sigur Rós neðanjarðar í París

Hljómsveitin Sigur Rós kemur fram í myndbandi sem tekið er upp í helli undir Parísarborg. Um er að ræða myndband sem birtist á frönsku vefsíðunni La Blogothéque. Það er hluti af seríu sem kallast Empty Space og var þetta fjórði þátturinn í þeirri seríu.

Myndbandið er við lagið Hrafntinna en ekki er um að ræða formlegt tónlistarmynd, heldur framkomu, sérstaklega fyrir frönsku síðuna. Myndbandið hefur vakið athygli og hafa yfir 30.000 manns séð myndbandið á mjög skömmum tíma.

Hrafntinna er að finna á nýjustu breiðskífu sveitarinnar sem heitir Kveikur og kom út á þessu ári.

Fleiri listamenn hafa komið fram í seríunni en markmið þáttanna er að setja hljómsveitir og listamenn á óhefðbundna staði í heiminum og taka upp myndband af framkomu þeirra.