„Leikvöllur fyrir konur“

Kvennablaðið hefur göngu sína í dag í netútgáfu.

„Þetta er leikvöllur fyrir konur alls staðar á landinu,“ segir Steinunn Ólína Þorsteinsdóttir, ein af ritstjórum blaðsins. „Þetta verður stútfullur fjölmiðill sem fjallar um fjölmörg málefni og í fyrsta blaðinu erum við með sjúklega spennandi einkaviðtal við skáldkonuna Isabel Allende.“

Meðal þrjátíu greinarhöfunda blaðsins eru Steinunn Sigurðardóttir rithöfundur, Eva Hauksdóttir, norn og pistlahöfundur, Heimir Már Pétursson fréttamaður og Helena Ólafsdóttir, þjálfari Vals.