Justin Timberlake í Evrópu

Bandaríski tónlistarmaðurinn Justin Timberlake mun hefja tónleikaferðalag sitt, The 20/20 Experience, um Evrópu þann 30. mars í Bretlandi.

Timberlake er að kynna nýjustu tvær plötur sínar, sem heita The 20/20 Experience, hluti eitt og hluti tvö en síðari hluti plötunnar kemur út um þessar mundir í Bandaríkjunum.

Timberlake mun þó hefja tónleikaferðalag sitt í Bandaríkjunum og Kanada í lok október en þetta er fyrsta tónleikaferð Timberlakes sem aðaltónlistarmaður í sex ár.

Það er ekki langt síðan að tónleikaferðalaginu The Legends of the Summer Stadium lauk, þar sem Timberlake og Jay Z komu fram saman.