Jake Gyllenhaal fékk ekki hlutverk í barnamynd

Leikarinn Jake Gyllenhaal var gestur í sjónvarpsþættinum Inside the Actors Studio fyrir stuttu. Þar ljóstraði hann því uppað foreldrar hans hefðu bannað honum að taka að sér hlutverk í barna- og unglingamyndinni The Mighty Ducks.

„Ég man að þau sögðu blátt „nei“. Ég átti að sækja um í gagnfræðiskóla og þau vildu að ég fylgdi því eftir. Ég man að ég stóð inni í eldhúsi og grét og sagðist hata þau,“ rifjaði leikarinn upp.

Gyllenhaal hóf leikferil sinn árið 1991 í gamanmyndinni City Slickers þar sem hann lék ungan son persónu Billy Crystal.