Paul McCartney og Justin Timberlake á tónleikum

Ókeypis tónleikar með Paul McCartney og Justin Timberlake fara fram á Hollywood Bouleward, tvö kvöld í röð.

McCartney kemur fram í viðtali, í spjallþætti Jimmy Kimmel þann 23. September og að því loknu hefjast tónleikarnir. Daginn eftir kemur svo Timberlake fram í sama þætti og heldur tónleika eftir viðtalið.

Til að leyfa sem flestu fólki að njóta tónleikanna, verður ákveðnum hluta Hollywood Bouleward lokað.

Aðdáendur McCartney eða Timberlake, sem staddir eru í Los Angeles og nágrenni geta því heldur betur glaðst en gert er ráð fyrir mikilli aðsókn á tónleikanna.

Það getur reynst ansi erfitt að ná sér í miða á tónleika með listamönnunum og eru tónleikarnir því kærkomnir.

Fyrir þá sem ekki geta mætt á tónleikana, verða báðir tónleikarnir settir á netið.

Báðir listamennirnir koma til með að kynna nýjustu plötur sínar hjá Kimmel.