Stephen King er stressaður

Stephen King segist vera stressaður yfir viðbrögðunum við bókinni Doctor Sleep, framhaldi spennusögu hans The Shining, sem kemur út í næstu viku.

Bandaríski rithöfundurinn býst við því að 95% ritdómanna fyrir Doctor Sleep verði samanburður á bókunum tveimur.

„Þessi samanburður blasir við og maður getur ekki verið annað en taugaóstyrkur vegna þess að það hefur margt breyst á þessum tíma og ég er ekki sami maður og þá,“ sagði hann við BBC.

King var 28 ára þegar The Shining, sem vinsæl kvikmynd var gerð eftir, kom út. Núna er hann 65 ára.