Sögð eiga von á barni

Bandaríska leikkonan Jennifer Aniston er ólétt ef marka má erlenda fjölmiðla. Þetta yrði fyrsta barn leikkonunnar og unnusta hennar, leikarans Justins Theroux, en parið opinberaði trúlofun sína í ágúst 2012.

Aniston hefur ekki staðfest fregnirnar og er talið ólíklegt að hún geri það strax. Aniston, sem er 44 ára gömul, og Theroux, sem er 42 ára gamall, eru sögð vera í alsæl yfir þessum fregnum.

Samkvæmt heimildarmanni tímaritsins US Weekly hefur Aniston ekki sést drekka áfengi í veislum og mannamótum. Þá hefur hún einnig klæðst víðum fötum og er það talið vera vegna þess að hún vilji fela stækkandi maga. Leikkonan er best þekkt fyrir leik sinn í sjónvarpsþáttunum Friends og hefur verið ein vinsælasta leikkonan í Hollywood í mörg ár.

Post by Lífið á Visir.is.