Listamenn heiðraðir í Bandaríkjunum

Tónlistarmennirnir Billy Joel og Carlos Santana, ásamt leikkonunni Shirley MacLaine, eru á meðal þeirra sem munu hljóta Kennedy Center-viðurkenninguna í ár. Kennedy Center-viðurkenningin er ein af virtustu menningarverðlaunum sem afhent eru í Bandaríkjunum, en þau voru fyrst afhent árið 1978.



Listamenn fá þessa viðurkenningu fyrir ævistörf sín í listum, sem snert hafa bandaríska menningu.  Yfir 180 listamenn hafa hlotið viðurkenninguna í gegnum tíðina, þar á meðal Meryl Streep, Luciano Pavarotti og Paul McCartney.