Beðin um að skrifa barnabók

Adele hefur verið beðin um að skrifa barnabók. Það var bókaforlagið Puffin sem hafði samband við hina 25 ára söngkona, sem á tíu mánaða soninn Angelo með kærasta sínum, Simon Konecki.

Forlagið bað hana um að semja einfalda bók fyrir yngstu lesendurna. „Adele er mjög hrifin af þessari hugmynd. Það verður ekkert persónulegt um hana í þessari bók enda er það ekki hennar stíll,“ sagði heimildarmaður við Daily Star.

Ef Adele skrifar bókina fetar hún í fótspor Madonnu, Ricky Gervais og Davids Walliams sem hafa öll skrifað vinsælar barnabækur.