Fara ekki frá Suðureyri

„Act Alone verður áfram á Suðureyri,“ segir Elfar Logi Hannesson, einn skipuleggjenda einleikshátíðarinnar Act Alone.

Hátíðin var haldin í tíunda sinn fyrr í mánuðinum.

Fjöldi listamanna lagði leið sína vestur á firði til þess að vera viðstatt og taka þátt í hátíðinni.

Aldrei hafa verið fleiri gestir á hátíðinni þar sem gestafjöldi fór yfir 2.000 manns.

Einhverjar raddir voru á lofti um að hátíðin hefði sprengt utan af sér og því þyrfti jafnvel að færa hátíðina til þess að geta rúmað fleira fólk.

„Alls ekki. Við kunnum vel við okkur hér á Suðureyri og hlökkum til að sjá alla að ári,“ segir Elfar Logi, léttur í bragði.