Brjáluð Lady Gaga

Söngkonan Lady Gaga er brjáluð út í slúðurkónginn Perez Hilton ef marka má skilaboð hennar á samfélagsmiðlinum Twitter.

Gaga heldur því fram að Hilton sé að áreita sig og er hún viss um Hilton hafi leigt íbúð í sömu blokk og hún býr í, eingöngu til þess að njósna um sig.

Gaga á að hafa brjálast yfir atvikinu og segir hún á Twitter síðu sinni að hún vilji fá að vera látin í friði og að hegðun Hiltons sé komin út í öfgar.

Það er ekki svo langt síðan að Gaga og Hilton voru miklir vinir, en það vinasamaband virðist ekki hafa enst lengi eins og svo mörg önnur hjá fræga fólkinu.