Balbi ekki með KR-ingum

Ekkert verður af því að Spánverjinn Gonzalo Balbi leiki með KR á tímabilinu.

Hinn 21 árs gamli Balbi hefur æft með KR-ingum í tvo mánuði og fyrr í mánuðinum staðfesti Rúnar Kristinsson, þjálfari KR, að til stæði að semja við hann. Balbi er hér á landi þar sem hann á íslenska kærustu.

Ekki tókst að ljúka viðeigandi pappírsvinnu til þess að fá félagaskipti Balbi í gegn áður en félagaskiptaglugganum var lokað á miðvikudaginn.

Balbi mun áfram æfa með KR. Spánverjinn er mágur Luis Suarez, framherja Liverpool.