Kvennalistinn 30 ára í gær

Þrjátíu ár voru liðin í gær, 13. mars, frá stofnun Samtaka um kvennalista. Þann dag árið 1983 bauð listinn fyrst fram í þremur kjördæmum við Alþingiskosningar og komust þrjár konur á þing. Þetta er fyrsti og eini stjórnmálaflokkurinn hér á landi sem hefur alfarið verið skipaður konum.

Kvennalistinn hlaut 5,5 prósent atkvæða árið 1983, rúm 10 prósent árið 1987 og tæp fimm prósent síðasta árið sem hann bauð fram, árið 1995.

Yfirlýst stefna flokksins var meðal annars kvenfrelsi, jafnrétti, að berjast gegn ofbeldi, verja réttindi samkynhneigðra og fleira.