Stal hlutum úr flaki bifreiðar Paul Walkers

Lögreglan í Los Angeles í Bandaríkjunum handtók í gær ungan karlmann fyrir að stela hlutum úr flaki bifreiðar leikarans Paul Walker sem lést bílslysi á laugardag.

Maðurinn, sem er 18 ára, nýtti tækifærið þegar verið var að flytja flakið af slysstað og tók meðal annars topplúgu og annað sem til féll. Hlutirnir fundust síðar á heimili mannsins.

Paul Walker var frægur fyrir leik sinn í kvikmyndunum Fast and Furious en hann lést þegar bíll hans skall á tré í borginni Santa Clarita í Kaliforníu á laugardag.