Pitt kom brúðhjónum á óvart

Leikarinn Brad Pitt kom brúðurinni Abi Lingwood á óvart á brúðkaupsdaginn hennar. Eiginmaður Lingwood, Daniel, sá leikarann sitja við hótelbarinn á Maidenhead hótelinu kvöldið sem brúðkaupsveisla þeirra fór fram. Hann heilsaði Pitt og bað hann vinsamlegast að heilsa einnig upp á eiginkonu sína, sem er mikill aðdáandi Pitts.

„Eiginmaður minn sagði mér að Brad Pitt væri á barnum og að ég yrði að koma og heilsa upp á hann. Ég hélt að hann væri að grínast. Hann óskaði okkur til hamingju og við fengum að taka af honum mynd. Og hann sagði að ég liti vel út. Hann var mjög vingjarnlegur,“ sagði Lingwood.

Pitt er staddur í London við tökur á kvikmyndinn Fury sem gerist í seinni heimsstyrjöldinni. Mótleikarar hans eru Shia LaBeouf, Michael Pena, Logan Lerman og Jon Bernthal. Áætlaður frumsýningardagur myndarinnar er í nóvember á næsta ári.

Hér má lesa greinina og sjá mynd af brúðhjónunum ásamt Brad Pitt.