"Ég á líka í sambandi við tvær konur sem eru mér undirgefnar“

Davide La Greca, eða Maestro BD eins og hann kallar sig, er einn fremsti fjötrari heims og er vel þekktur innan BDSM samfélagsins um alla Evrópu. Hann hélt námskeið í japönskum Shibari bindingum og sýndi mikilfenglegt fjötraatriði í stórveislu BDSM félagsins á Íslandi þar sem hann fjötraði íslenska stúlku, hengdi upp á krók og uppskar fölskvalausa lotningu þeirra 120 íslendinga sem viðstaddir voru.

David er í opinskáu viðtali um líf sitt og list í nýjasta tölublaði MAN magasín sem kom í verslanir í dag. Þar lýsir hann fagurfræðinni á bak við fjötra og þann margbreytilega tilgang sem þeir geta haft. Svo lýsir hann einkalífi sínu sem er kannski ekki eins og við flest eigum að venjast en að hans sögn er hann fjölelskandi maður og setur ekki fyrir sig tölu eða kyn.

Fjölelskandi fjötrari

„Ég er alinn upp í ósköp venjulegri ítalskri fjölskyldu í Róm. Bróðir minn er gagnkynhneigður og er búinn að vera giftur í 10 ár, við erum ólíkir en það ríkir skilningur og virðing á milli okkar. Mamma veit auðvitað um lífsstíl minn og starf en er ekkert endilega mjög hrifin. Hún var mjög stolt þegar ég gaf út bókina mína um bindingar þó að hún mér vitandi opnaði hana aldrei. Ég er fjölelskandi og aðalsamband mitt er við karlmann sem ég bý með. Við byrjuðum saman fyrir nokkrum árum þegar hann var ennþá kona og ég er að fylgja honum í gegnum kynleiðréttingarferli. Ég á líka í sambandi við tvær konur sem eru mér undirgefnar og að auki á ég af og til í fleiri kynlífssamböndum. Á tímabili átti ég tvær kærustur sem komu oft með mér í mat til mömmu og pabba. Reyndar hefur pabbi sagt mér að ef hann hefði fæðst aðeins seinna hefði hann líklega valið lífsstíl líkari mínum, í staðinn varð hann bara venjulegur framhjáhaldari.”

Man.is

Post by Lífið á Visir.is.