Skvísur skála

Það ríkti mikil gleði á Loftinu í gær þegar skvísurnar á veftímaritinu Pjatt.is fögnuðu góðum árangri með því að skála í Mõet kampavíni og kokteilum.

Lesturinn á hraðri uppleið

„Þetta er ansi magnað. Lesturinn hefur alltaf verið að aukast jafnt og þétt en í síðustu viku tókum við fram úr Viðskiptablaðinu í vefmælingu modernus og sáum fulla ástæðu til að skála fyrir sjálfum okkur," segir Margrét H. Gústavsdóttir sem stofnaði vefinn í ársbyrjun 2009 í þeim tilgangi að höfða til kvenna 25 ára og eldri.

Á Pjatt.is skrifa tíu konur um menningu, listir, tísku, förðun, stóru málin í Hollywood, mat og annað sem gleður að sögn Margrétar.

„Okkur finnst ansi frábært að við Pjattrófurnar skyldum ná að skjóta eldri miðlum ref fyrir rass, eða tófu fyrir rass? Við gerum okkar besta til að vera með skemmtilega og uppbyggilega pistla og greinar. Fegra og bæta internetið," segir Margrét.

„Það er frábært að framlag okkar skuli byrjað að ná til svo margra og að fólk kunni að meta það."

Smelltu á efstu mynd í frétt til að fletta albúmi.

Post by Lífið á Visir.is.