Glæný heilsuræktarstöð opnar í Kópavogi

Meðfylgjandi myndir voru teknar í opnunarteiti þegar ný heilsuræktarstöð, Sparta heilsurækt, tók formlega til starfa en hún er staðsett í gamla Toyota húsinu að Nýbýlavegi 6, Kópavogi.

Fjölbreytt námskeið í boði

„Meiðslaforvarnir skipa stóran sess í starfinu hjá okkur og hefjast allir tímar á stífri upphitun sem hefur það markmið að losa um og liðka stíf liðamót og vöðva. Metabolic er flaggskipið okkar, íslensk æfingakerfasmíð sem er komin á tólf staði víðsvegar um landið. Ásamt því bjóðum við upp á Jóga, Insanity, krakkanámskeið fyrir 12-14 ára, einkaþjálfun og von bráðar hefjast námskeið í Training for Warriors ásamt því að nuddstofan Vonarland opnar fljótlega," segir Sigríður sem er einn eigenda stöðvarinnar.

Sparta byggir á nýjum hugmyndum um heilsurækt, nánast eingöngu eru í boði námskeið og tímar þar sem þjálfari fylgist með iðkendum og allir fá verkefni við hæfi með tilliti til getu og reynslu.

Smelltu á efstu mynd í frétt til að skoða albúmið.

https://www.facebook.com/spartakopavogi  -  

Sparta.is