Unnur Eggerts með þátt á Stöð 2

„Þátturinn heitir Popp og kók og mun fjalla um tónlist og kvikmyndir. Ég fæ til mín alls konar áhugavert fólk, hvort sem það eru söngvarar, hljómsveitir eða leikarar," segir Unnur Eggertsdóttir, þáttarstjórnandi Popp og kók sem verður í opinni dagskrá á Stöð 2 á föstudagskvöldum í vetur. Þetta er í fyrsta sinn sem Unnur starfar í sjónvarpi og segist hún vera mjög spennt fyrir að takast á við þetta nýja og krefjandi verkefni.

Fjölskylduþáttur

„Ég hef aldrei gert neitt þessu líkt en þátturinn á hug minn allan þessa dagana. Svo um helgar skelli ég á mig bleiku kollunni og er í fullu fjöri með Latabæ að leika Sollu stirðu." Unnur segir þáttinn vera ætlaðan allri fjölskyldunni en áhersla er lögð á að hafa hann mjög fjölbreyttan svo hann falli í kramið hjá sem flestum.