Búin að henda eiginmanninum út

Raunveruleikastjarnan Khloe Kardashian er búin að henda eiginmanni sínum, körfuboltamanninum Lamar Odom, út.

Mikið hefur verið skrifað um að hjónaband þeirra sé í molum eftir að tvær konur héldu því fram að Lamar hefði haldið framhjá Khloe með sér.

Samkvæmt fréttasíðunni TMZ henti Khloe Lamar út því hún heldur að hann glími við fíkniefnavanda. Kardashian-fjölskyldan reyndi að fá Lamar til að fara í meðferð fyrr í vikunni en hann neitaði.

Khloe fékk eiginmann sinn til að fara í meðferð í ágúst á síðasta ári. Hann hélt sér edrú og spilaði vel á síðustu leiktíð með Los Angeles Clippers. Nú er hann hins vegar dottinn í það aftur. Hvorki Khloe né Lamar hafa tjáð sig um málið.

Dragðu Tarotspil dagsins hér.