Aniston valin kynþokkafyllst

Jennifer Aniston er kynþokkafyllsta kona allra tíma, ef marka má bandaríska tímaritið Men‘s Health.

Á lista tímaritsins er Aniston talin kynþokkafyllri en margar af frægustu og vinsælustu leikkonum sögunnar eins og Raquel Welch, Marilyn Monroe og Angelina Jolie. Sú síðastnefnda keppti einmitt við Aniston um ást og athygli leikarans Brads Pitt svo eftir var tekið um allan heim fyrir nokkrum árum.

Þegar Aniston sjálf, sem er 42 ára gömul, var spurð hverja hún teldi kynþokkafyllstu konu allra tíma nefndi hún tvær til sögunnar, frönsku leikkonuna Brigitte Bardot og bandaríska femínistann Gloriu Steinem.