Paltrow illa við Pink

Gwyneth Paltrow og sönkonunni Pink varð vel til vina er þær léku saman í gamanmyndinni Thanks for Sharing. Samkvæmt göturitinu The National Enquirer er Paltrow þó svo full öfundar í garð Pink að hún sleit vinskap þeirra.

„Pink hafði ekki hugsað sér að verða leikkona þó hún hafi tekið að sér þetta hlutverk. Hún vissi að hún væri að vinna með reyndum leikurum og grínaðist með að hún mundi ekki þvælast fyrir þeim. Gwyneth tók hana undir sinn verndarvæng og þær urðu góðar vinkonur,“ hafði tímaritið eftir innanbúðarmanni.

Þegar gagnrýnendur hrósuðu Pink fyrir frábæran leik á Paltrow að hafa orðið öfundsjúk út í vinkonu sína.

„Hún hætti að svara í símann og nú eru þær ekki lengur vinkonur,“ sagði innanbúðarmaðurinn.