Timberlake styður Cyrus

Þrátt fyrir að Miley Cyrus hafi að ákveðnu leyti stolið senunni af Justin Timberlake á VMA-hátíðinni fyrir skömmu, tekur Timberlake upp hanskann fyrir Cyrus.

„Mér þykir hún vera mjög klár og hæfileikarík,“ sagði Timberlake í samtali við The Independent. Þá bætti hann við, að þó svo að hann hefði ekki alveg skilið framkomu hennar á VMA-hátíðinni, teldi hann, að á 10-15 ára fresti væru ákveðnir einstaklingar teknir fyrir í fjölmiðlum og ímynd þeirra ákveðin af þeim.

Að lokum bætti hann við að Cyrus ætti ekki að vera neydd til þess að vera fyrirmynd.

Hér fyrir neðan er svo einn smellurinn sem Miley Cyrus hefur sent frá sér á árinu.