Lagið á topplista Billboard, sem heitir Gone, er nefnilega sérstakt fyrir þær sakir að það er átta ára gamalt og kemst nú á topplista Billboard í fyrsta sinn. Gone er af plötunni Late Registration úr smiðju Kanye West, en lagið er þó unnið í samvinnu við Cam'ron og Consequence.
Ástæða þess að lagið er nú fyrst að komast inn á topplista Billboard, átta árum eftir útgáfu þess, er sú að Maria Shifrin, höfundur og uppistandari, sagði upp vinnu sinni í síðasta mánuði með því að setja uppsagnar-vídjó á Youtube.
Þar dansar hún við lagið Gone og segir upp um leið. Vídjóið hefur verið skoðað oftar en fimmtán milljón sinnum og þar sem að Billboard eru byrjaðir að taka mark á YouTube áhorfi, komst lagið á lista þeirra og er númer átján.
Myndbandið fylgir.
