David Bowie situr fyrir hjá Louis Vuitton

Söngvarinn David Bowie situr fyrir í nýrri auglýsingaherferð fyrir franska tískumerkið Louis Vuitton samkvæmt breska dagblaðinu Telegraph. Auglýsingin var mynduð í Feneyjum í sumar. Ofurfyrirsætan Arizona Muse situr fyrir með Bowie á myndunum.



Á myndunum sjást Bowie og Muse meðal annars í loftbelg sem svífur yfir Feneyjum. Bowie er ekki fyrsta stórstjarnan sem tískumerkið fær í lið með sér, en stjörnurnar Keith Richards, Bono, Pele, Muhammed Ali og Catherine Deneuve, hafa öll setið fyrir í auglýsingaherferðum fyrirtækisins.

Muse er hvað þekktust fyrir að vera andlit tískumerkjanna Miu Miu, Next og Prada.