Djammaði í Mexíkó

Samkvæmisljónið, fatahönnuðurinn og leikkonan Nicole Richie, hélt upp á 32 ára afmælið sitt í Mexíkó fyrir fáeinum dögum. Richie, sem er tveggja barna móðir, leigði einkaþotu fyrir sig og sex nánar vinkonur sínar.

Þær gistu á lúxushóteli í bænum Cabo San Lucas, sem er bær við suðurströnd Mexíkó. Vinkonurnar skemmtu sér konunglega þar sem þær sóluðu sig á ströndinni og drukku kokteila.

Á afmæliskvöldinu sjálfu klæddu þær sig upp í samsvarandi sundboli með blómamynstri. Richie er gift Joel Madden, en hann er söngvari hljómsveitarinnar, Good Charlotte.