Fuglar eru vinsæl tattoo

Líkamsskreytingar verða vinsælli með árunum og margir virðast aðhyllast fuglafegurð sem húðflúr. Lífið hafði upp á nokkrum sem eru með áhugaverða fugla á líkamanum.



Elísabet, Elín og Sigríður Eyþórsdætur söngkonur í hljómsveitinni Sísý Ey

„Við fengum okkur þessi tattú í bandaríkjunum. Við höfum það sem reglu að fá okkur alltaf tattú þegar við förum saman til Bandaríkjanna og mamma þar á meðal. Við systurnar ákváðum að fá okkur eins tattú í síðustu ferð sem tákn um það hversu mikið við elskum hvor aðra.“

Margrét Björnsdóttir,módelbókari Elite á Íslandi og stílisti 

„Ég hafði gengið með þessa hugmynd í kollinum í rúm fjögur ár. Fékk mér það þremur dögum eftir fyrsta húðflúrið þrátt fyrir yfirliðið og endorfínsjokkið. Ég gekk inn á stofu í Las Vegas þar sem Joe Williams teiknaði það upp eftir lýsingum mínum og kom ég svo næsta dag til hans og sat 12 tíma ‚straight‘ í stólnum hjá honum. Ég skildi eftir naglaför í stólnum. Fólk gapir þegar ég segi þeim söguna, enda óvenjulegt að fólk sitji það lengi við húðflúrun langt fram á nótt, hvað þá á stofu í Las Vegas þar sem húðflúrarnir geymdu byssur í beltum sínum og tannlausar krakkhórur ráfuðu um eftir kúnnum hinum megin við götuna.

Jón Gunnar Geirdal Landstjóri Yslands

„Þetta sleeve byrjaði að fæðast fyrir þremur árum síðan í Brooklyn í New York með stjörnumerkjum barna minna & míns og svo þegar heim var komið tók meistari Jón Páll við með fönixinn minn fallega sem rís upp úr öskunni, endurfæddur. Ég hef verið heillaður af goðsögninni um fönixinn lengi og hvað hann stendur fyrir og þess vegna fékk ég mér þetta mikla flúr.“

Hlynur Björnsson barþjónn á Austur

„Ég er nýbúinn að fá mér fuglinn sem heitir bluebird og þetta er fyrsti partur af half sleeve sem hann Búri hjá Íslensku Húðflúrstofunni er að gera fyrir mig. En tattooið er ég að fá mér til að heiðra tilvist dóttur minnar.“ 

Jana Maren Óskarsdóttir verslunarstjóri í Gyllta kettinum

„Þetta er Trana. Ég fór á Reykjavík Ink núna í februar og talaði þar við Thomas Asher. Ég hafði hugmynd af stórum fugli með fallega vængi og þetta er það sem kom útúr því. Mig langaði bara í fallegt flúr frá flottum listamanni og ég leyfði honum að ráða svolítið. Dúfuna fékk mér á Spáni en hún er til minningar um ömmu mína sem hét Dúa og bjó á Spáni í mörg ár.“