Solla stirða vill endurheimta hreyfingarnar sínar

Íslendingar fylgdust grannt með gangi mála á undanúrslitakvöldum Söngvakeppninnar á föstudags- og laugardagskvöld. Fjölmargir tjáðu skoðun sína á samskiptamiðlinum Twitter með því að nota merkið #12stig.

Meðal þeirra sem höfðu skoðun á keppninni voru Auðunn Blöndal, Gummi Ben og Margrét Erla Maack. Þá var Gísli Marteinn Baldursson, Eurovision-sérfræðingur með meiru, bundinn í ræðustól klæddur í pils og gat því ekki tekið þátt í umræðunum. Gera má ráð fyrir að Gísli Marteinn hafi verið á árlegri samkomu Edinborgarfélagsins.

Hér fyrir neðan má sjá hluta af skoðunum áhorfenda. Fleiri skoðanir má sjá á Twitter með því að smella hér.

Hvað er betra en Vinátta? #12stig

-Auðunn Blöndal, útvarpsmaður

Mamma um Eyþór: Þekkir einhver hér þennan mann? Viljiði segja honum að rétta úr sér? Ég gediddiggi #12stig

Solla stirða var að hringja og vill hreyfingarnar sínar aftur #neibíddu #12stig

-Margrét Erla Maack, sjónvarpskona

Ekki líta undan. Viðeigandi endir á þessu kvöldi #12stig

Komst Lilli klifurmús áfram í gær? #12 stig

Dansararnir eru í gömlu óléttukjólunum af Björk. #12stig

-Örn Úlfar Sævarsson, fyrrverandi dómari í Gettu betur

Síðasta lagið heitir Augnablik. Það ætti frekar að heita Eilífð. #12stig

-Elías Blöndal

Læknirinn áfram og influensan í algleymi. Má þetta? #12stig

-Teitur Örlygsson, körfuknattleiksþjálfari

Sveinn Rúnar gefur út diskinn "My Eurovision songs 2013" fyrir næstu jól. #12stig

-Gummi Ben, knattspyrnulýsandi

Þetta lag er um ástina og lífið. Öfugt við hin lögin sem eru flest um naglaklippur og pípulagningar. #12stig

Klara best enn sem komið er. Hún stóð sig ótrúlega vel miðað við að vera að syngja fyrir framan svona marga í fyrsta skipi. #12stig

-Valur Gunnarsson

Má Jógvan eiga hús á Íslandi ef að tillögur Lögmunds ná fram að ganga? #12stig

-Egill Óskarsson

Klara hefði komist áfram hefði Rúv ekki spilað partinn sem hún gerir falskan tón aftur og aftur. #nylon #12stig

Sorry, er í pilsi að halda ræður og hef ekki séð nein #12stig tíst. Takk samt.

-Gísli Marteinn Baldursson, stjórnmálamaður

Magnificent skilar sínu lagi áfram eins og venjulega. #12stig

-Björgvin Pétursson