Douglas vill lagfæra hjónabandið

Leikarinn Michael Douglas vonast til að samband hans og eiginkonu sinnar Catherine Zeta Jones muni lagast á næstunni.

Douglas tjáði sig um samband þeirra á Emmy-verðlaunahátíðinni í gærkvöldi. Þar var hann verðlaunaður fyrir hlutverk sitt í sjónsvarpsmyndinni Behind the Candlebra.

"Catherine er frábær. Hún hefur það mjög gott. Ég talaði við hana í dag og fékk indæl skilaboð frá henni. Ég er mjög vongóður um að við munum leysa vandamálin," sagði Douglas. "Við erum bara í pásu, það eru nokkur vandamál sem við þurfum að leysa, og þetta er eitthvað sem þarf stundum að gera."

Hinn 68 ára Douglas á tvo stráka með Catherine, sem er 25 árum yngri en hann. Þau gengu upp að altarinu fyrir þrettán árum.