Hið íslenska Stop Wait Go eiga fimmta vinsælasta lag Bretlands

Upptökuteymið íslenska Stop Wait Go eiga fimmta vinsælasta lag Bretlands um þessar mundir samkvæmt Official Charts listanum sem var kynntur á BBC Radio 1 í dag.

Einnig var staðfest í vikunni að lagið verður gefið út í Bandaríkjunum og Kanada þann 22. október næstkomandi að sögn Ásgeirs Orra Ásgeirssonar, sem er meðlimur Stop Wait Go.

„Það eru nokkrir hlutir sem maður getur strikað yfir á bucket-listanum í kvöld,“ segir Ásgeir Orri Ásgeirsson, á Facebook-síðu sinni í kvöld. Ásamt Ásgeiri skipa Stop Wait Go þeir Pálmi Ragnar Ásgeirsson og Sæþór Kristjánsson.

Hér fyrir neðan er hægt að horfa á myndbandið við Disco Love.