Trúlofaður íslensk ættaðri konu

James Spader er trúlofaður hinni íslensk-ættuðu Leslie Stefanson. Hún er fyrrum fyrirsæta og leikkona sem vakti fyrst athygli þegar hún lék stórt hlutverk í spennumyndinni The General‘s Daughter árið 1999 en þar lék hún á móti John Travolta.

Hún lék einnig í stórmyndinni Unbreakable með Bruce Willis árið 2000 og The Hunted með Tommy Lee Jones og Benicio Del Toro árið 2003.

Leslie kynntist Spader þegar þau léku saman í myndinni The Stickup árið 2002 og ástin blómstraði. Þau eignuðust sitt fyrst barn fyrir fimm árum og Leslie er núna hætt í leiklistinni. Hún hefur þó ekki alveg sagt skilið við listalífið því núna hannar hún erótískar bronsstyttur sem vakið hafa talsverða athygli.

Hægt er að skoða verk Leslie á vefsíðunni www.lesliestefanson.com.

Ómissandi spennuþáttur

James Spader er mættur til leiks í spennuþættinum The Blacklist sem hefur göngu sína á Stöð 2 á fimmtudagskvöld. Þættirnir hófu göngu sína í bandarísku sjónvarpi á mánudag og hafa hlotið einróma lof gagnrýnenda. Spader leikur Raymond „Red“ Reddington, fyrrum leyniþjónustumann sem hvarf sporlaust fyrir mörgum árum og er nú eftirlýstur af bandarískum yfirvöldum fyrir að selja hryðjuverkamönnum leynileg gögn.

Hann gefur sig fram í höfuðstöðvum FBI og býðst til þess að aðstoða alríkislögregluna að handsama aðra eftirlýsta hryðjuverkamenn. Einu skilyrðin sem hann setur er að hann fá lífvörð, herbergi á fínu hóteli og fái að vinna með ungum nýliða innan FBI, Elizabeth Keen. Tengsl hans við Keen eru öllum ókunn, jafnvel henni sjálfri en þau munu skýrast þegar líður á þáttaröðina. Þáttunum hefur gjarnan verið líkt við stórmyndina Silence of the Lambs.

Þættirnir hófu göngu sína á NBC sjónvarpsstöðinni á mánudagskvöld og fengu mjög góðar viðtökur. The Hollywood Reporter fer lofsamlegum orðum um fyrsta þáttinn og segir m.a. að Spader sé óviðjafnanlegur í aðalhlutverkinu og að handritshöfundunum takist að gera þáttinn einstaklega spennandi. Variety segir að The Blacklist sé einn af bestu nýju þáttunum í vetur og TV Guide segir að þátturinn sé fullkomin blanda af hasar og vel skrifaðri ráðgátu.

Spader þarf ekki að leita langt eftir ráðleggingum um bandarísku alríkislögregluna, FBI. Tengdapabbi hans, Randolph Stefanson, starfaði fyrir FBI á árunum 1963 til 1967 bæði í Poenix og Los Angeles. Hann hefur síðan starfrækt lögfræðistofu í heimabæ sínum, Moorhead í Minnesota. Foreldrar hans, Skúli Stefanson og Effie Einarsson, voru báðir Vestur-Íslendingar en sjálfur hefur hann aldrei komið til Íslands.

THE BLACKLIST er á dagskrá Stöðvar 2 á morgun, fimmtudag klukkan 21.10.