Pattinson á fast með dóttur Sean Penn

Robert Pattinson sást skemmta sér ásamt fyrirsætunni Dylan Penn á skemmtistaðnum Viper Room í Los Angeles. Penn er dóttir leikaranna Sean Penn og Robin Wright.

Tímaritið Life and Style hefur eftir sjónarvotti að parið hafi notið félagsskap hvors annars. „Þau döðruðu og leið augljóslega vel í návist hvors annars. Það var auðsætt að þau þekktust áður,“ sagði sjónarvotturinn.

Parið, í fylgd vina, hélt síðan til Chateau Marmont, snæddi franskar og fékk sér nokkra drykki til. Samkvæmt heimildarmanni Life and Style fór hópurinn því næst heim til Pattinson og þar á Penn að hafa eytt nóttinni.

Áður hefur Pattinson verið orðaður við Riley Keough, dótturdóttur Elvis Presley.