Á forsíðunni með bæði börnin

Söngkonan Jessica Simpson prýðir forsíðu Us Weekly með börnum sínum tveimur, dótturinni Maxwell, sextán mánaða og Ace Knute, tveggja mánaða. Er þetta fyrsta myndin sem birtist af Ace Knute.

Jessica tjáir sig um móðurhlutverkið og gagnrýnina sem hún finnur fyrir vegna þyngdaraukningu sinnar á báðum meðgöngunum.

“Ég er bara ein af þessum óléttu konum sem þyngist mikið. Ég er með mjög stór brjóst. Ég er með línur. Ég reyndi eins og ég gat að hreyfa mig þegar ég gekk með Ace en ég þyngdist samt mikið. Gagnrýnin særir, sérstaklega þegar maður er að ganga í gegnum allar þessar hormónabreytingar,” segir Jessica.

Dragðu Tarotspil dagsins hér.