Tyson má ekki koma til London

Breskir aðdáendur Mike Tyson munu ekki geta hitt hann fyrir jólin eins og til stóð. Tyson má nefnilega ekki koma til Bretlands.

Tyson var á leið til London til þess að kynna ævisögu sína sem heitir Undisputed Truth. Var búist við miklum fjölda sem vildi fá undirritaðar bækur.

Lögum í Bretlandi var breytt fyrir ári síðan og allir sem hafa fengið meira en fjögurra ára fangelsisdóm fá ekki að koma til landsins.

Tyson var dæmdur í sex ára fangelsi fyrir nauðgun árið 1992 og því má hann ekki koma.

Hann verður þó á ferðinni annars staðar í Evrópu að kynna og árita bókina. Þar á meðal í París.