Alan Lowing samdi við Víking

Víkingur Reykjavík hefur samið við varnarmanninn Alan Lowing og mun hann spila með nýliðunum á næsta tímabili en þetta kemur fram í fréttatilkynningu frá Víkingum í dag.

Lowing hefur undanfarin ár verið í herbúðum Fram en þessi 25 ára bakvörður hefur áður verið á mála hjá East Fife, Clyde og Rangers í Skotlandi.

Víkingar höfnuðu í 2. sæti 1. deildarinnar á síðasta tímabili og eru komnir á ný í Pepsi-deildina en Lowing mun án efa styrkja varnarleik liðsins fyrir komandi átök.