Nítján ára Húsvíkingur í Fram

Hafþór Mar Aðalgeirsson er genginn til liðs við Fram en það var tilkynnt í dag. Hann er 19 ára miðjumaður sem lék með Völsungi í 1. deildinni í sumar.

Hafþór Mar skoraði sjö af fimmtán mörkum Völsungs í deildinni í sumar en hann hefur verið lykilmaður í liðinu undanfarin ár.

Hafþór Mar á að baki leiki með yngri landsliðum Íslands og gerir hann nú þriggja ára samning við Fram.

Framarar greindu einnig frá því í dag að Orri Gunnarsson, 21 árs miðjumaður, hefði framlengt samning sinn við félagið til ársins 2016.

Framarar hafa verið iðnir við að styrkja leikmannhópinn síðan að Bjarni Guðjónsson tók við þjálfun liðsins í haust.

Meðal leikmanna sem hafa gengið til liðs við Fram má nefna Hafstein Briem, Einar Bjarna Ómarsson, Alexander Má Þorláksson, Ósvald Jarl Traustason, Ásgeir Marteinsson, Guðmund Stein Hafsteinsson, Einar Má Þórisson og Tryggva Svein Bjarnason.