Snorri brá á leik með ráðherrum

Á laugardaginn var nóg um að vera í bænum.

Á barnum á 101 hóteli var mikið fjör.

Þar mátti sjá fjármálaráðherrann, Bjarna Benediktsson, í góðra vina hópi. Hann var á barnum ásamt félögum sínum úr ríkisstjórn, Gunnari Braga Sveinssyni utanríkisráðherra og Brynjari Níelssyni þingmanni.

Snorri Ásmundsson, mynd- og gjörningalistamaður, var einnig viðstaddur.

Hann brá á leik með ráðherrunum, gerði sér lítið fyrir og stökk upp á borð hjá þeim.

Þá mátti einnig sjá á barnum Catalinu Ncogo ásamt fríðu föruneyti.